.EU domeninin 2 yaşı oldu
Artıq 2 ildir ki, dünya internet məkanında .EU domeni mövcuddur. Bu günlərdə onun 2 yaşı tamam oldu. EU domeni 2006-cı ildən özündə 2,8 milyon domen adı toplayaraq coğrafi domen adları siyahısında 4-cü yerə, internetdə bütün domen adları içərisində isə 9-cu yerədək yüksələ bilib.
DAVAMINA BAXIN
Maraqlıdır ki, .EU domeni açılanadək öz saytlarını digər domen zonalarında yerləşdirən bir çox avropa kompaniyaları son 2 il ərzində ya .EU zonasında anoloji saytlar yaradıblar, ya da ki, veb-saytlarının əvvəlki ünvanlarını dəyişiblər.
Bu gün .EU zonasında ən çox qeydiyyat Almaniyanın payına düşür – 31,4%. İkinci yerdə 13,4%-lə Niderland, üçüncü yerdə 13,3%-lə Böyük Britaniya, dördüncü yerdə isə 7,3%-lə Fransa durur. İtaliya bu siyahida 5,1%-lə beşinci yerdə qərar tutub. Son il ərzində .EU domen zonasında qeydiyyatların sayı 11% artıb.
