“Azərpoçt” DM-i İmişlidə zona müşavirəsi keçirib
DAVAMINA BAXIN
Aprelin 9-da Rabitə və İnformasiya Texnologiyaları Nazirliyinin “Azərpoçt” Dövlət Müəssisəsinin Baş direktoru Qəmbər Bəybalayevin sədrliyi ilə İmişli rayonunda Ucar, Zərdab, Kürdəmir, Əli-Bayramlı, Hacıqabul, Sabirabad, Saatlı, Beyləqan, Fizuli və İmişli poçt filiallarının rəisləri, istismar üzrə mühəndisləri və baş mühasiblərin iştirakı ilə zona müşavirəsi keçirilib.
Müşavirədə hər bir filial üzrə həm maliyyə, həm də istismar göstəricilərinin geniş müzakirəsi aparılıb, Baş direktor tərəfindən müəyyən tapşırıqlar verilib. Müşavirənin sonunda DM-nin Əməliyyat şöbəsinin rəisi Rövşən Rüstəmov Dünya Bankı ilə birgə həyata keçirilən “Maliyyə xidmətlərinin inkişafı” layihəsinin icrası prosesi haqqında iştirakçılara geniş məlumat verib.
